51-ე საჯარო სკოლის მათემატიკის კათედრა

вторник, 24 мая 2022 г.

ანგარიში

მათემატიკის კათედრა მთელი წლის განმავლობაში აქტიურად იყო ჩართული სასწავლო პროცესის მრავალფეროვნად წარმართვაში. თითქმის ყველა კლასში განხორციელდა სხვადასხვა ტიპის გაკვეთილები. ბავშვები აქტიურად ასრულებდნენ კომპლექსურ დავალებებს, სხვადასხვა პროექტებსა თუ პრეზენტაციებს. კათედრაზე ერთობლივად იგეგმებოდა გაკვეთილები ყველა კლასში, რათა არ გვქონოდა პროგრამული აცდენა. მასწავლებლებმა თავიანთ კლასებში აქტიურად იმუშვეს სასკოლო პროექტის განხორციელებაზე, კერძოდ:

1. ლია ჭანკვეტაძე - გენდერული თანასწორობა (პროექტი)

2. მარეხ ივანიძე - ხარისხიანი განათლება (პროექტი)

3. ნინო კაპანაძე - კარგი სამუშაო და ეკონომიკური ზრდა (პრეზენტაცია)

4. ნანა სახვაძე - კლიმატი და გარემოს დაცვა ( კონფერენცია)

5. ნანა მახათაძე - გარემოს დაცვა ( პრეზენტაცია)

6. ნინო ლოსეურაშვილი - როგორ დავიცვათ ჰაერი დაბინძურებისაგან ( პრეზენტაცია)

7. დიანა ივანიძე - პროცენტის გამოყენება ყოველდღიურ ცხოვრებაში ( რესურსის შექმნა)

8. ნანა გაჩეჩილაძე - კავშირი გეომეტრიულ ფიგურებსა და საგზაო ნიშნებს შორის ( პრეზენტაცია)

მაისის თვეში დაგეგმილი განსახორციელებელი აქტივობები :

1. მარეხ ივანიძე - კარგი სამუშაო და ეკონომიკური ზრდა ( პროექტი)

2. ელისო კაკუშაძე - შიმშილის აღმოფხვრა ( პრეზენტაცია)

მეცხრე კლასის კომპლექსური დავალება, მოსწავლის ნამუშევარი

მიმართულება ალგებრა და კანონზომიერება

სამიზნე ცნება: ალგებრული გამოსახულებები

სასწავლო თემა: ალგებრული გამოსახულებების გარდაქმნა

მიმართულება

ალგებრა და კანონზომიერება

სასწავლო თემა: ალგებრული გამოსახულებების გარდაქმნა

სამიზნე ცნება:

ალგებრული გამოსახულებები

მაკრო ცნება: კავშირები, მოდელირება

კლასი: მე-9

დრო: 5-6 სთ

საკითხები:

კვადრატული სამწევრის მამრავლებად დაშლა

კვადრატული სამწევრის სრული კვადრატის გამოყოფა

ალგებრული წილადები და მოქმედებები მასზე

საკვანძო კითხვა: როგორ არის შესაძლებელი რეალურ ცხოვრებაში სიტუაციის მოდელირება მნიშვნელოვანი ცვლადების იდენტიფიცირებით.

დავალების პირობა:

დავალების სათური: სკვერის დაგეგმარება

პირობა

გიორგიმ გადაწყვიტა მის კორპუსთან ახლოს, თავისუფალი ტერიტორიისათვის შექმნას სკვერის დაგეგმარების პროექტი და წარუდგინოს ქალაქის მერიას.

ტერიტორიას მართკუთხედის ფორმა აქვს, რომლის ირგვლივ აკეთებს ველოსიპედით მოსიარულეთა ბილიკს. სკვერის შიგნით კი, მართკუთხედის ერთი წვეროდან მოპირდაპირე გვერდების შუაწერტილებით შეერთებულ სამკუთხა არეში, პატარებისათვის ატრაქციონების დამონტაჟება სურს. დანარჩენ ფართობზე კი დასასვენებელ სკამებს და ყვავილნარს აშენებს.

შენი დავალებაა:

· აღნიშნე ცვლადებით, მართკუთხედის განზომილებები, ველო -ბილიკის განი და დაწერე მთელი სკვერის ფართობის (შიგა არე, ველო ბილიკთან ერთად) გამოსათვლელი გამოსახულება. გაამარტივე გამოსახულება, მიღებული კვადრატული სამწევრიდან გამოყავი სრული კვადრატი

· დაყავი ფიგურა (ველო ბილიკი)მართკუთხედებად, კვადრატებად ვერტიკალური და ჰორიზონტალური წრფეების გავლებით, დაწერე მთელი სკვერის ფართობის გამოსათვლელი გამოსახულება და ალგებრული წესებით შეამოწმე მიღებული გამოსახულებების იგივური ტოლობა

· ჩაწერე ველო ბილიკის ფართობის საპოვნელი გამოსახულება, გაამარტივე, დაშალე მამრავლებად

· დაწერე საბავშვო ატრაქციონისათვის გამოყოფილი არის ფართობის გამოსატვლელი გამოსახულება სხვდასხვა გზით, გაამარტივე გამოსახულებები და ალგებრული წესებით შეამოწმე მიღებული გამოსახულების იგივური ტოლობა.

· წარმოადგინე სკვერის გეგმა.

· მიანიჭე ცვლადებს „გონივრული“ რიცხვითი მნიშვნელობები და იპოვე ზემოთხსენებული არეების ფართობები.

· შექმენი მსგავსი პროექტი სასურველი ობიექტის დასაგეგმად, ან ასაგებად...

პრეზენტაციისას ნაშრომში ხაზგასმით წარმოაჩინე:

რას აღნიშნავს უცნობი? ცვლადი?
აღწერე როგორ მოახდინე მათემატიკური სიტუაციის წარმოდგენა ცვლადების, სიმბოლოების, დიაგრამის და შესაბამისი სტანდარტული მოდელების საშუალებით
რაზე არის დამოკიდებული ალგებრული გამოსახულების მნიშვნელობა?
კავშირი ეკვივალენტურ ფორმებს შორის; რა ნიშნავს გამოსახულების გამარტივება? როგორი გამოსახულებები მიიღება გამარტივების შეეგად?

პრეზენტაცია შეგიძლიათ წარმოადგინოთ სურვილისამებრ, როგორც ციფრულ საპრეზენტაციო პროგრამაში ასევე ფლიფჩარტზე დაწერილი.

შეფასება:

მოსწავლეს შეუძლია

უცნობი რაოდენობის წარმოდგენა ცვლადის მეშვეობით
აღწეროს როგორ ხდება სიტუაციის წარმოდგენა ცვლადების, სიმბოლოების, დიაგრამის ან შესაბამისი სტანდარტული მოდელების მეშვეობით, როგორ ხდება ცვლადის შესაბამისობა უცნობ სიდიდესთან და გამოსახულების ჩაწერა.
გამოსახულების გამარტივების შედეგად ეკვივალენტური ფორმის მიღება

რეკომენდაციები მოსწავლეს

დავალების შესასრულებლად დაგეხმარება ქვემოთ მოცემული ვიდეოები:

https://www.youtube.com/watch?v=9ZBrlusjf3Q

https://www.youtube.com/watch?v=iu1BQ9MyvWU

https://sites.google.com/site/martivimatematika/7-sruli-kvadratis-gamoqopa

თვითრეფლექსია (მეშვიდე კლასის კომპლექსური დავალებების შესახებ)

თვითრეფლექსია 2021-2022 სასწავლო წელი

მოგახსენებთ, რომ ახალი სასწავლო წლის დასაწყისიდან მათემატიკის პედაგოგებმა მუშაობა დავიწყეთ წინასწარ შემუშავებული და დამტკიცებული გეგმის მიხედვით. ,,ახალი სკოლის მოდელის“ ფარგლებში, მეშვიდე კლასში დავგეგმეთ სამი კომპლექსური დავალება: 1.ქალაქის ან უბნის ქუჩების სამოძრაო ადგილის დაგეგმარება, 2.მარტივი და რთული პროცენტი, ანაბარზე თანხის დადება, 3. კვლევის დაგეგმვა- სკოლის შიდა ატმოსფეროს გამოკვლევა. კალენდარული გეგმით: ერთი პირველ სემესტრში, დანარჩენი -მეორე სემესტრში.

ქვეყანაში პანდემიის გავრცელების თავიდან აცილების მიზნით, გარკვეული პერიოდით სკოლა გადასული იყო ონლაინ სწავლების რეჟიმზე, რის გამოც ჩასატარებელ საათების რაოდენობა იყო შემცირებული, შესაბამისად, თემების დამუშავება ვერ მოხერხდა გაწერილ დროში და ნაცვლად ოქტომბრისა, პირველი კომპლექსური დავალებაზე მუშაობა ნოემბრის თვეში გახდა შესაძლებელი.

მეშვიდე კლასელებისთვის კომპლექსური დავალების შესრულებაზე მუშაობამ მნიშვნელოვნად შეუწყო ხელი მოსწავლეთა სწავლა-სწავლებით დაინტერესებას, საკლასო სივრცეში მიღებული ცოდნის გამოყენების რეალიზაციის მნიშვნელობის გააზრებას, მათემატიკური ინსტრუმენტებით მნიშვნელოვანი პროდუქტის მიღების საქმიანობაში გამოყენებას, შემოქმედებითი და შემეცნებითი უნარების განვითარების აუცილებლობას.

სწავლების კონსტრუქტივისტული მეთოდი მოსწავლეებს უადვილებდა კომპლექსური პრობლემების გადაჭრას. მათ რეალურად აღიქვეს საკითხის კომპლექსურობა, დაგეგმარებაზე ყურადღების მობილიზება, დავალების პრობლემის დალაგების საჭიროება მარტივიდან რთულისკენ. გაითავისეს სოციალური ურთიერთობის საჭიროება, ინფორმაციის მიღების და წვდომის საშუალებებზე ფიქრი, ოჯახის წევრებთან აზრის გაზიარება, დროის მართვის სტრატეგიების გათვალისწინება და სწავლა.

კომპლექსურ დავალების მუშაობის პროცესში, მოსწავლეებს გაუჭირდა მათემატიკური მოდელის შექმნა, შესაბამისად პრობლემის მოდელირება. კათედრაზე შევიმუშავეთ აღნიშნული პრობლემის მოგვარების სტრატეგიები და დავგეგმეთ აქტივობები.სწავლების პროცესში გაკვეთილზე გამოვიყენეთ შემდეგი აქტივობები: ფანქრით,სახაზავით და ფარგლით ფიგურების ხაზვის ელემენტების შესწავლა და შესრულება, ნახატების ჩვენება და ფიგურების ამოცნობა, მოსწავლეებისათვის ნაცნობი ადგილების წარმოსახვით ,,დათვალიერება“, კავშირების დამყარება და მიმგვანება გეომეტრიულ ფიგურებთან. თვალზომითი აქტივობებით კუთხეების გრადუსული ზომების დასახელება, პარალელური წრფეებზე შედარება და მოდელირება-ხელებით ჩვენება, სასწავლო რესურსების განლაგება მერზხებზე- მინიშნებებით.

მოსწავლეებმა მიღებული ცოდნით შექმნეს ხელშეუხები პროდუქტი. ნახატებით, პროგრამა geogebra-ს გამოყენებით წარმოადგინეს ქუჩის გეგმა.

ამ დროისთვის, განვლილი თემებიდან გამომდინარე, მოსწავლეები მუშაობენ რიცხვის პროცენტზე, პროცენტულ ცვლილებაზე, მარტივი და რთული პროცენტის ანაბარზე თანხის დადებაზე. აღნიშნული კომპლექსური სამუშაო დასრულების პროცესშია, რაც ასევე საინტერესო დავალებაა და მოსწავლეთა მათემატიკური უნარების განვითარება-გაზრდა-საჭიროებას უწყობს ხელს.მესამე კომპლექსური დავალება, რომელიც სტატისტიკის ელემენტებს მოიცავს შეუსრულებელი რჩება, თუმცა მომდევნო კლასებში აღნიშნული თემა აქტუალურია.